Эўрапейскі Моладзевы Парламент у Беларусі
Еўрапейскі Моладзевы Парламент – гэта моладзевая ініцыятыва, засанаваная ў 1987 годзе ў Францыі. Галоўнай яе мэтай з’яўляецца пашырэньне моладзевага досьведу аб актуальных палітычных праблемах, распаўсюджаньня ідэй дэмакратыі сярод еўрапейскай моладзі і падтрымка выкананьня правоў чалавека. Ідэі міжкультурнага дыялога і выхаваньня сацыяльна-актыўнага пакаленьня з’яўляюцца так сама вельмі важнымі для Еўрапейскага Моладзевага Парламенту.
З’явіўшыся на Беларусі ў 1998 годзе, Еўрапейскі Моладзевы Парламент пачаў хутка развівацца і за 4 гады яго прадстаўнікі былі ўжо ва ўсіх абласных цэнтрах, а так сама ў маленькіх гарадах і нават вёсках. Маладыя беларусы, актыўныя ў ЕМП руху, з задавальненьнем знаёміліся з еўрапейскай каштоўнасцямі і культурай і былі поўныя жаданьня прадстваіць сваё культурнае багацьце. Больш за 20 сэсій ЕМП было праведзена на тэрыторыі Беларусі, дзе абмяркоўваліся палітычныя, эканамічныя, сацыяльныя тэмы тэмы Правоў Чалавека. Сэсія ЕМП разам з рознымі трэнінгамі – галоўны шлях дасягненьня наступных мэтаў ЕМП у Беларусі:
- Распаўсюджаньне еўрапейскіх каштоўнасьцяў сярод беларускай моладзі,
- Распаўсюджаньне прынцыпаў прадстаўнічай дэмакратыі,
- Папулярызацыя правоў і грамадскіх свабод чалавека,
- Пашырэньне досьведу аб надзённых еўрапейскіх праблемах,
- Падтрымка міжкальтурнага дыялога на аснове рознасьці, раўнасьці і талерантнасьці,
- Распаўсюджаньне беларускай культуры на ерапейскай прасторы,
- Стваэньне станоўчых адносінаў да Еўрапейскага Звязу і яго членаў,
- Замацаваньне традыцый парламентарызму ў школьным і студэнцкім асяроддзі.
На гэты момант 11 гарадоў залучаны ў рух ЕМП у Беларусі. Мэтавая група – моладзь 16-22 год.
Сэсія Беларускага Моладзевага Сойма – гэта новы тып дзейнасьці для ЕМП у Беларусі таму, што яна праводзіцца на беларускай мове, у той час, як афіцыйнымі мовамі ўсіх ЕМП-мерапрыемстваў з’яўляюцца ангельская і французская.
