Адукацыйная праграма для рэдактараў сайтаў моладзевых арганізацый і журналістаў «Будзь на сувязі»-2012
Твітнуць
Як павысіць наведвальнасць сайта сваёй арганізацыі, прасунуць яе ў інтэрнэце, пісаць файныя артыкулы і даведацца што такое новыя медыя, SEO, SMO і SMM. Лепшыя інтэрнэт-эксперты Беларусі навучаць вас гэтаму ў праграме «Будзь на сувязі! ».
«Будзь на сувязі» — гэта доўгатэрміновая праграма падрыхтоўкі рэдактараў інтэрнэт-рэсурсаў моладзевых арганізацый.
Мэта праграмы: Паляпшэнне каналу ўзаемасувязі моладзевых арганізацый з іх мэтавымі групамі праз узмацненне інфармацыйнага патэнцыялу арганізацый.
“Будзь на сувязі!” — гэта адукацыйная праграма, якая складаецца з:
Тэарэтычнага курсу: 6 трэнінгаў з лепшымі беларускімі экспертамі ў галіне інтэрнэт-журналістыкі і прасоўвання вэб-рэсурсаў па спецыялізацыі “Рэдактары сайтаў моладзевых арганізацый” (адміністраванне, кантэнт, SMO, SEO, падрыхтоўка і рэалізацыя інфармацыйна-рэкламных кампаній па прасоўванню ўласных сайтаў і паслугаў у інтэрнэце).
Даты семінараў:
1. Люты – 24-26.02;
2. Сакавік – 16 -18.03;
3. Красавік – 13-15.04;
4. Май 12-13.05;
5. Ліпень 7-8.07;
6. Лістапад –17-- 18.11.
Семінары праводзяць медыя-эксперты і рэдактары беларускіх інфармацыйных парталаў. Паміж семінарамі будзе весціся актыўная праца на сайтах арганізацый пад куратарствам спецыялістаў.
Практычнай часткі: распрацоўка ўдзельнікамі праграмы ўласных інфармацыйна-рэкламных праектаў, скіраваных на прасоўванне вэб-рэсурсаў сваіх арганізацый (конкурс міні-грантаў). Рэалізацыя праектаў пад супервізіяй спецыялістаў.
На каго разлічана праграма“Be connectеd!”
Вы працуеце з моладдзю? Ваша арганізацыя паспяхова рэалізуе праекты і аказвае паслугі маладым людзям ў розных галінах? У вас есць пра што распавесці, куды запрасіць і што прапанаваць беларускай моладзі? Маеце сайт альбо групы ў сацыяльных сетках альбо і тое і другое? АЛЕ
— Няма спецыяліста, які б пастаянна займаўся інфармацыйнай працай.
— Няма магчымасцяў для пастаяннага прасоўвання інтэрнэт-рэсурса вашай арганізацыі.
— Не хапае навыкаў інфармацыйнай работы ў інтэрнэце: напісанне артыкулаў, прасоўванне інфармацыі аб вашай дзейнасці і паслугах.
— Вы незадаволены вашым сайтам і хацелі б сур’езна ўзяцца за справу, але не ведаеце з якога боку падысці.
— Ваша мэтавая група не ведае пра вашае існаванне.
— Інтэрнэт журналістыка – гэта тое, чым бы вы хацелі займацца, але не хапае ведаў і навыкаў.
Калі хоць штосьці з пералічанага вам падыходзіць, “Будзь на сувязі!” – ваша праграма!
Запрашаем да ўдзелу:
1. Сябраў, актывістаў і валанцёраў моладзевых грамадскіх аб’яднанняў, што займаюцца інфармацыйнай работай альбо маюць мінімальны досвед у гэтай сферы. Ад адной арганізацыі могуць падавацца 2 чалавекі.
2. Маладых людзей, якія займаюцца журналістыкай, для навучання і далейшай працы на навінавым сайце www.ampby.org. Не абавязкова быць сябрам грамадскай арганізацыі, але пажадана мець досвед грамадскай дзейнасці.
Што трэба для ўдзелу ў праграме “Be connectеd!”?
1. Запоўненыя заяўкі ад 1-2 кандыдатаў ад арганізацыі (гл.ніжэй)
2. Для журналістаў: матывацыйны ліст і рэзюмэ.
Тэрмін падачы заявак: да 12 лютага 2012 г. уключна.
Усе дадатковыя пытанні і запоўненыя заяўкі дасылайце на адрас: beconnected2011@gmail.com
Заяўка на ўдзел ў праграме “Be connectеd!”
1. Прозвішча, імя, імя па бацьку ўдзельніка праграмы.
2. Кантакты:
— Мабільны тэлефон:
— электронyы адрас:
3. Назва арганізацыі.
4. Пазначце сферы вашай дзейнасці ў арганізацыі.
5. Апішыце досвед вашай інфармацыйнай працы.
6. Як пабудавана інфармацыйная праца ў арганізацыі?
7. Ці есць ў арганізацыі сайт (пазначце адрас)? Як вы ацэньваеце яго: дызайн, аднаўляльнасць, тэхнічныя характарыстыкі, наведвальнасць? Што б вы хацелі змяніць?
8. Ці есць зараз ў арганізацыя праектная дзейнасць, скіраваная на моладзь?
9. Асаблівасці харчавання і пражывання, пра якія вы хацелі б паведаміць: вегетарыянства, дыеты і г.д.
Будзем на сувязі!
Падзяліся з сябрамі ў сацыяльных сетках
Цэтлікі: АМП, Будзь на сувязі, журналістыка, моладзевыя аб'яднанні, моладзь, сацыяльныя сеткі
