Абвесткі • Арганізацыі • Культурніцкія • Тэма тыдня
Моладзевая арганізацыя «Гісторыка» запрашае прайсці «шляхамі кантрабандыстаў»
Твітнуць
Удзельнікі падарожжа паблукаюць колішнімі шляхамі кантрабандыстаў і бліжэй пазнаёмяцца з шэрагам мястэчак уздоўж мяжы 1921—1939 гг. А вядучы экскурсіі – Іван Іванавіч Сацукевіч – раскажа 28 студзеня цікавую гісторыю, факты і сведчанні.
Наш маршрут: Мінск — КОЙДАНАВА — РУБЯЖЭВІЧЫ — ІВЯНЕЦ — ВАЛОЖЫН — РАКАЎ — Мінск.
Падчас падарожжа вы пабачыце разнастайныя помнікі архітэктуры (палац Тышкевічаў, касцёлы, цэрквы, іешыва і хедер) і археалогіі (а простаю мовай — гарадзішчы), пачуеце самую знакамітую байку пра беларускую чыгунку і байкі (а хто ж цяпер там адрозніць праўду?) з кніжак авантурыста-кантрабандыста Пясецкага, а таксама пабачыце мемарыяльную шыльду ў яго гонар (а за што нашчадкі павесяць шыльду пра вас?).
І вядома ж — гісторыя! Факты, сведчанні, факты. Хочаце даведацца болей? Будзьма разам!
«Лагічна было б блукаць па снезе пешшу, так бы мовіць, для большага заглыблення ў эпоху, але мы вырашылі спыніцца на аўтобусным транспарце. Кава, мікрафон і іншыя выгоды цывілізацыі займелі чыстую перамогу! » — кажуць арганізатары падарожжа.
Месца збору, дакладны час ад'езду, звесткі пра надвор'е і вольныя месцы ў аўтобусе — у Кірылы: +375 29 7610794 (мтс). Падзея Вконтакте.
Даведацца больш пра моладзевую грамадскую арганізацыю «Гісторыка» можна тут.
www.ampby.org паводле інфармацыйнага ліста.
Падзяліся з сябрамі ў сацыяльных сетках
Цэтлікі: гісторыя, культура, МГА „Гісторыка“
