Арганізацыі • Культурніцкія • Тусня-мітусня
Мульт-фэст на тэму свабоды прайшоў у Берасці (відэа)
Твітнуць
У суботу 21 студзеня Агенцтва рэгісянальнага развіцця “Дзедзіч” ладзіла паказ беларускіх мультфільмаў на тэму свабоды. Фэст адбыўся ў рамках традыцыйных ужо кінапраглядаў у “Дзедзічы”, што адбываюцца кожную суботу.
На гэты раз арганізатары падрыхтавалі шэраг мультфільмаў беларускай вытворчасці. Наведвальнікі станоўча паставіліся да такой змены рэпертуара. Тым больш, што былі прадстаўлены стужкі не толькі “Беларусьфільма”, але і асобных “мадэрновых” аўтараў.
Спектр таксама парадваў разнастайнасцю: ад пазітыўных і легкіх “Беларускіх прымавак” да мульцяшнага шматзначнага трылера “Lollipop”. Дзяўчатам больш за ўсё спадабаўся Заяц-сват, а хлопцы ацанілі неадназначнасць і задуменнасць “Лафертавай макоўніцы”.
Нагадаем, што кінапрагляды на тэму Свабоды адбываюцца кожную суботу ў 16-00 на офісе АРР “Дзедзіч” (г. Берасце, вул. Кірава, д. 60, кв. 1).
Запрашаем!
www.ampby.org паводле dzedzich.org
Падзяліся з сябрамі ў сацыяльных сетках
