ЗАПРАШАЕМ ЭТНОГРАФАЎ НА ЗБОРЫ ВУСНАЙ ГІСТОРЫІ у Крэва і Наваградак
ТвітнуцьЗАПРАШАЕМ АМАТАРАЎ ЭТНАГРАФІІ далучацца да летнікаў Мясцовага дабрачыннага фонда «Крэўскі замак»:
8-18.07.
ЛЕТНІК «КРЭЎСКІ КОНЦЭПТ-2010»
у в. Крэва Смаргонскага раёна, Гродзенская вобласці. Крэва — адно з мяркуемых месцаў пасялення язычніцкага святара Крэва-Крывэйта, былы ліцвінскі горад з самакіраваннем, цэнтр габрэйскага гандлю, улюбёнае месца татар, месца апошняга спачыну жаўнерай царскай арміі, таямнічае месца паміж сямі ўзвышшаў, знакамітае сваімі анамаліямі.
ПРАГРАМА ЛЕТНІКА:
1. Рэгенерацыя рэштак царквы св. Міколы (17 ст.)
2. Прыборка рэштак замкавага млына.
3. Прыборка габрэйскіх могілак 19-20 ст.ст.
4. Працы на сінагозе (супольна з архітэктурным факультэтам БНТУ).
5. ЗБОР ВУСНАЙ ГІСТОРЫІ, УЗОРАЎ ПОБЫТУ І СПРАДУ ХАТНІХ ГАСПАДАРАК.
6. Круглы стол па праблемах аховы спадчыны.
Спіс працаў адкрыты.
Пражыванне: намёты (палаткі), хаты мясцовых жыхароў.
Што неабходна мець пры сабе:
— жаданне працаваць;
— добры настрой;
— спальнік і дыванок;
— працоўную адзежу;
— 3,5 тыс. бел. рублёў на адзін дзень на ежу;
(Таксама пры сабе пажадана мець палатку).
Наяўнасць гістарычнага строя (прымальны і рэканструкцыі, і фэнтазі) ва ўдзельнікаў летніка вітаецца!
Напрыканцы ліпеня у Крэва чакаецца рыцарскі фэст.
З улікам гэтага і з улікам на аб'ём працаў летнік можа быць працягнуты аж да часу фэсту.
1-15.08.2010
«НАВАГРАДСКІЯ МРОІ-2010»
(г. Навагрудак, Гродзенская вобл. — першая сталіца ВКЛ, скарбніца цікавых гісторый і людзей)
Працяг рэгенерацыйных працаў на ўнікальных хрысціянскіх могілках 19 ст., абмен вопытам у справе аховы гісторыка-культурнай спадчыны, КУЛЬУТРАЛАГІЧНА-ГІСТАРЫЧНА-АРХІТЭКТУРНАЕ даследванне горада, ЗБОР ВУСНАЙ ГІСТОРЫІ і АПІСАННЕ ПОБЫТУ 19 ст...
ВЫНІКІ працаў 2009 года шукайце ТУТ:
http://vkontakte.ru/events.php?act=s&gid=13983930
Пражыванне: намёты (палаткі) — папярэдне, жытло мясцовых жыхароў. Іншае памяшканне — пры вялікай колькасці людзей па дамоўленасці з мясцовымі уладамі.
Зараз шукаем мажлівасць аплаціць частку ежы для валанцёраў.
Інвентар для працаў будзе выдадзены.
Аб асаблівых патрэбых у інвентары будзе паведамлена пазней.
У планах правядзенне канцэрта-прэзентацыі вынікаў працы (08.08.2010 — дом -музэй А. Міцкевіча)
КАЛІ ВЫ ЗАЦІКАВІЛІСЯ:
04/07/2010 /нядзеля/ з 16-00 да 19-00
і
05/07/2010 /панядзелак/ з 16-00 да 19-00
падыходзіць у сквер ля кінатэатра «Беларусь» (ст.м. Фрунзенская).
Арыентыр: хлопец Рыгор (029-761-0220) з дзяўчынай Вольгай (029 551 333 5) на лаве з паперамі.
У праграме дня:
1.Знаёмства. Запаўненне анкет на 2 летніка (хто куды хоча).
2. Раздача праграмак летнікаў.
3. Адказ на каверзныя пытанні.
4. Вызначэнне графіка і неабходнасці давозу рэчаў.
Маецца магчымасць перавезці палаткі і некаторыя цяжкія рэчы ўдзельнікаў перад летнікам у Крэва. Шукаецца мажлівасці вывазу людзей назад у Менск аўтобусам.
Таму вельмі важна, каб кожны, хто прыйшоў вызначыўся: калі прыедзе-ад'едзе.
Таксама вітаецца інфармацыя, хто з Вашых знаёмых можа прыехаць з музычнымі струмэнтамі і выступіць ля Крэўскага замка.
Можа хто хоча правесці ралевую гульню у Крэва?
Ёсць мажлівасць выдзеліць цэлы дзень з летніка на такую забаву!
